Rreth një në tre njerëz të cilët së fundi kanë marrë vaksinën kundër covid nga Shërbimi Nacional për Shëndetin në Britani të Madhe raportojnë disa efekte anësore.

Asnjë nga efektet anësore nuk ishin serioz – më e zakonshme ishte një mpirje rreth vendit të injeksionit, gjetën hulumtuesit të cilët mblodhën të dhëna, raporton bbc.

Ekspertët thonë që gjetjet, nga rreth 40,000 persona – shumica punëtorë të kujdesit shëndetësorë – janë lehtësuese për miliona të cilët po vaksinohen tani.

Disa efekte anësore duhet të priten të ndodhin dhe nuk është një gjë e keqe, thonë ata. Kjo nuk është vetë sëmundja, por përgjigja e trupit ndaj vaksinës.

Vaksinat kundër covid nuk e përmbajnë virusin pandemik dhe nuk mund t’i japin sëmundjen njerëzve. Në vend të kësaj, ata përdorin version të padëmshëm apo pjesë të coronavirusit të cilat mësojnë trupin se si të njoh dhe luftoj virusin e vërtetë.

Hulumtuesit kërkuan reagime, përmes një aplikacioni, nga njerëzit të cilët kanë marrë së paku një dozë të vaksinës Pfizer-BioNTech.

Ekipi i aplikacionit Zoe nga Kolegji Mbretëror në Londër grumbulloj këto të dhëna:

• 37% përjetuan disa efekte anësore lokale, si dhembje apo ënjtje afër vendit të injeksionit, pas dozës së parë, me një rritje deri 45% nga 10,000 njerëz të cilët kanë marrë të dy dozat
• 14% kishin së paku një efekte anësor sistemik – si ethe, dhimbje apo të dridhura – shtatë ditë pas marrjes së dozës së parë, me rritje deri në rreth 22% pas dozës së dytë.

Këto efekte-anësore janë përmirësuar brenda disa ditëve.

Të gjitha testet mjekësore dhe eksperienca me vaksinim deri më tani sugjerojnë që vaksinat janë të sigurta dhe efektive./arbresh.info/